Feeds:
Innlegg
Kommentarar

Archive for the ‘Nyheiter’ Category

Siste opningsdag

Siste opningsdag for i år vert som følgjande:

Viksdalen, onsdag 18.desember.
Sande, måndag 23.desember.

Første opningsdag etter nyttår vert:
Sande, måndag 6.januar.
Viksdalen, onsdag 8.januar.

Kom innom biblioteket og lån med deg bøker, lydbøker, filmar, teikneseriar, musikk eller tidsskrift heim til jul!

Read Full Post »

Nytt på hylla

Eit lite utval av nytt for born og ungdom!

  • Unni og Gunni gjer det fint. Dei to pingvinane Unni og Gunni ønskjer å gjere det fint i heimen, og då treng ein blant anna hammar og spikar!
  • Kaptein Blå – Kaptein Blå elskar blått. Havet er blått, så då passar det jo fint at han er kaptein. Men ein dag vert feiarmeister Svart med på båten – og då er ikkje lenger havet blått.
  • Kaptein Nero – Ny lydbok i Ingvar Ambjørnsens serie om Samson og Roberto.
  • Rubinen – Bok nummer to i den spennande Dauinger-serien, som høver godt for 4.-7.klasse. Den første boka heiter Ute av tiden. Liv, død og kjærleik – treng ein meir?
  • Svarte-Mathilda III – Populær grøssarserie for 11+. Kanskje enno mørkare og skumlare enn dei to første.

Ei fullstendig liste over alt nytt for born og ungdom så langt i år (bøker, lydbøker og film), finn du her!

Read Full Post »

seljestad2

24.oktober, kl 19.30, Gaular folkebibliotek, Sande.

Kom til biblioteket på Sande og høyr forfattar Lars Ove Seljestad lese og fortelje frå forfattarskapen sin! Hovudvekta vil vere på landets første fabrikkdikt, Storspring, som kom ut i sommar. I diktet spelar smelteverket i Odda ei sentral rolle. Denne boka vil også vere utgangspunkt for eit bokbad med Seljestad, som er ein av dei fremste samtidsforfattarane i Noreg. Han debuterte i 2005 med romanen Blind.

Sande blandakor vil bidra med song både før og etter. Arrangementet er gratis og vil vare omlag ein time.

Ønskjer du å lese Storspring eller ei av dei andre bøkene til Seljestad før du går på arrangementet, kan du sjølvsagt låne dei på biblioteket.

Read Full Post »

Tre gode sider om ungdomsbøker

Alle sidene høver godt for både ungdommar, foreldre, lærarar og bibliotekarar.

Ungdomsboka – god og aktuell blogg. Bibliotekar Bjørn Veen ved Gjesdal folkebibliotek omtalar nye ungdomsbøker.

Ubok – ein nettstad for ungdom. Her kan ein diskutere bøker med andre lesarar, skrive bokmeldingar og finne boktips. Sida har eigen blogg, diskusjonsforum og bokbase.

Uprisen – sida til Ungdommens kritikarpris. Informasjon om prisen, omtale av nominerte bøker, bokmeldingar, intervju med tidligare vinnarar, tips til å skrive gode bokmeldingar osb.

Read Full Post »

Stengt bibliotek 10/09

Biblioteket på Sande har stengt tysdag 10/09 på grunn av seminar.

Read Full Post »

Her er eit lite utval av nye sakprosabøker for vaksne som har kome til biblioteka:

  • Vill glede – ei bok om friluftsliv med born. Turar frå forskjellige stadar i landet vert skildra, og ein finn turtips til alt frå lavterskelturar til turar med overnatting under open himmel.
  • Likar du å strikke kan du finne mange nye mønster frå Setesdal i Strikk fra Setesdal – tradisjon med ny vri
  • Komlelandet – Komle/raspeball/komper/klubb/ball osb. Kjært born, mange namn … Dette er ei hyllest til komla, og er ei «reise i raspeballen sitt kokevatn.»
  • Ølbrygging og mikrobryggeri er i vinden. Boka Ølbrygging fra hånd til munn passar både for dei som vil ha råd og tips til korleis ein kan brygge øl sjølv, og til dei som berre ønskjer litt meir kunnskap om drykken. Inneheld oppskrifter frå blant anna Kinn og Ægir.
  • Serien Arkelogene var populær medan den gjekk på TV tidligare i år. No har serien blitt følgd opp med ei bok.

Velkommen innom biblioteket!

Read Full Post »

Filosofi – for store og små

Dei neste par vekene vil det vere ei utstilling av bøker med eit undrande innhald på Sande bibliotek – bøker om filosofi og ulike filosofar, ettertenksame bøker for born, ungdom og vaksne, klassiske filosofiske verk – frå Aristoteles til Ole Brumm.

Kva med å lese ein Platons av dialogar? Eller boka med den rare tittelen På månen spiser de kameler? Her er sakprosa, teikneseriar, essay, biografiar og biletbøker. Mange av bøkene kan lesast av born og vaksne i lag.
Kom innom for ein kikk, og lån med ei bok heim.

Read Full Post »

Older Posts »